नायक आशिष डगौरा म्युजिक भिडियो छायांकनमे व्यस्त
धनगढी, १८ माघ । नायक आशिष डगौरा थारु म्युजिक भिडियो छायांकनमे व्यस्त रहल बाटै । दुई दिन आघेसे छायांकन सुरु हुइल भिडियोके छायांकन सुदूरपश्चिमके पहाडी जिल्ला बझाङ, डडेल्धुरा सहित तराईके कैलाली, कञ्चननपुर लगायत पर्यटकीय क्षेत्र चिसापानी, टीकापुर पार्कमे छायांकन हुइना निर्माण पक्ष जनैले बा ।
गायक भिम बिसी ओ टीका पर्साईके सुमधुर स्वर रहल ‘पहिली नजरमे नजरिया चुराके’ कना बोलके सुपरहिट थारु गीतमे धमाधम छायांकन हुइटी रहल बा । गीतके शब्द तथा संगीत भीम बिसीके रहल बा । थारु म्युजिक भिडियोके मोडलमे नायक आशिष डगौरा ओ सुमित्रा श्रेष्ठ रहल बाटै ।
म्युजिक भिडियोके क्यामेरा पर्सन सतिश कुमार सिन्हा ओ डाईरेक्टरमे भीम अधिकारी रहल बाटै । म्युजिक भिडियो छायांकन ओरैटी किल कुछ दिन भित्रे सीएस युट्युव च्यानल मार्फत सार्वजनिक हुइना निर्माण पक्ष जनैले बा ।
नायक तथा मोडल आशिष डगौरा थारु समुदायके थारु सुपर स्टार हुइटै । उहाँ आधा दर्जन थारु सलिमा ओ म्युजिक भिडियोमे अभिनय करसेकल बाटै । उहाँके अभिनयहे दर्शक दिर्घा औधी रुचैना करल बाटै । उहाँके अभिनय रहल थारु सलिमा यी कैसिन तकदिर कुछ दिन पहिले च्यारिटी शो होसेकल बा । कलेसे उक्त सलिमाहे दर्शकहुक्रे औधी मन पराइल सलिमा निर्माण पक्ष जनैले बा
