डस्या लच्क्याइल ब्याला थारु गाउँ सखिया ओ झुम्रा से चैनार
कैलाली । डसैंमे विशेष महत्वके साथ नाचजैना थारुनके सखिया ओ झुम्रा नाच लेके थारु गाउँ चैनार होगिल बा । सखिया ओ झुम्राके तालमे बज्ना मन्द्रासँगे बोलाजैना मञ्जिराके आवाजलेके थारु गाउँ चैनार हुईलक हो ।
थारुनके आँगनमे अब्बे मन्द्रा ओ मञ्जिराके झानकारमे महिलाहुक्र सखिया नच्टी रमैटी रहल दृश्य देखे मिलठ । डसैँ लच्क्याइलबेला धेर गाउँमे सखिया नाचके पैया ओ झुम्रा नाचसे गाउँघर चैनार हुइल बा ।
कैलारी गाउँपालिका वडा नम्बर १ के दिलीप चौधरी डसियामे नाचक लाग सिख्टी रहल सखिया नाचसे गाउँ चैनार हुइल बटैलै । ओस्टहिक गोदाबरी नगरपालिका स्थित फकलपुर गाउँमे फेन महिला हुक्रे सखिया नाचके पैया सिख्टी रहल स्थानीय माधव चौधरी बटैल ।
