एचआइभी संक्रमितलाई सीपमुलक बनाउनुपर्छ
कैलाली, १० असोज । एचआइभी संक्रमितहरुलाई शिक्षा, स्वास्थ्यसंगै सीपमूलक बनाउनुपर्ने माग गरेका छन् ।
राष्ट्रिय मानव अधिकार आयोग सुदूरपश्चिम प्रदेशको आयोजनामा मंगलबार भएको कार्यक्रमका सहभागीले एचआइभी संक्रमितहरुकाका लागि राज्यले शिक्षा, स्वास्थ्य र रोजगारीका साथै सीपमूलक तालिमको व्यवस्था हुनुपर्ने बताए ।
कार्यक्रममा सहभागी अराधना श्रेष्ठले एचआइभी पोजिटिभ महिलालाई राज्यले शिक्षा, स्वास्थ्याउपचार, रोजगारी लगायत सीपमूलक तालिमको व्यवस्था गर्नुपर्ने माग राखिन ।
त्यसैगरि पार्वती विक र इश्वरी भण्डारीले पनि संक्रमितहरुका लागि राज्यले छुट्टै बजेट विनियोजन गर्नुपर्ने औँल्याए । साथै उनीहरुले संक्रमितहरुका बालबच्चा र परिवारकालागि शिक्षा, स्वास्थ्य लगायत जिविकोपार्जनका लागि विशेष कार्यक्रम पनि ल्याउनु पर्नेमा जोड दिए ।
राष्ट्रिय मानव अधिकार आयोग सुदूरपश्चिम प्रदेशका कार्यालय प्रमुख हरि ज्ञवालीको अध्यक्षतामा भएको थियो । कार्यक्रममा राष्ट्रिय मानव अधिकार आयोगका सदस्य मनोज दुवाडी, नेपाल पत्रकार महासंघ सुदूरपश्चिम प्रदेश अध्यक्ष योगश रावलले मनतब्य राखेका थिए ।
