सेती परियोजनामा सहयोग गर्न सरकार प्रतिबद्ध
कैलाली, ४ माघ । सुदूरपश्चिम प्रदेशका मुख्यमन्त्री राजेन्द्र सिंह रावलले पश्चिम सेती जलविद्युत परियोजना र एसआर–६ जलविद्युत परियोजनाको निर्माण र विकासमा सरकार प्रतिबद्ध रहेको बताए ।
परियोजना निर्माण सम्बन्धी लगानी बोर्ड र भारतीय कम्पनी एनएचपीसी लिमिटेडबीच समझदारी पत्रमा हस्ताक्षर भएकोमा खुसी रहेको रावलले प्रदेश सरकारपनि सहयोगका लागि प्रतिबद्ध रहेको उल्लेख गरे ।
उनले नेपालमा उत्पादित विद्युत निर्यात गरी व्यापार घाटा न्यूनीकरण हुनुकासाथै सुदूरपश्चिमको आर्थिक र सामाजिक विकासमा टेवा पुग्ने बताए ।
