सत्यमोहन जोशीको निधनमा शोक बिदा

काठमाडौं । संस्कृतिविद् सत्यमोहन जोशीको निधनमा सरकारले मंगलबार (आज) शोक बिदा दिएको छ।

गृह मन्त्रालयका प्रवक्ता फणिन्द्रमणि पोखरेलले सोमबार सूचना जारी गरी कात्तिक १ गते देशभर शोक बिदा दिने निर्णय भएको जनाएका छन्। यससँगै संस्कृतिविद् जोशीको निधनको शोकमा राष्ट्रिय झण्डा आधा झुकाउने निर्णय भएको गृह मन्त्रालयले जनाएको छ।

संस्कृतिविद् जोशीको असोज ३० गते बिहान ७ बजेर ९ मिनेटमा निधन भएको थियो।