कलाकार खड्का, गुरुङ र सेनलाई एसपीएको सम्मान
कैलाली । नेपाली चलचित्र क्षेत्रका प्रशिद्ध कलाकारहरु नायक प्रदीप खड्का, नायिका क्रिस्टिना गुरुङ र निर्माता सन्तोष सेनलाई धनगढीको सुदूरपश्चिमाञ्चल एकेडेमी(एसपीए) कलेजले सम्मान गरेको छ ।
एसपीए कलेजको प्रांगणमा आयोजित एक कार्यक्रमकाबीच उनीहरुलाई दोसल्लासहित सम्मानपत्रमार्फत सम्मान गरिएको हो । एसपीएको बीबीएस कार्यक्रम निर्देशक रघुनाथ जोशी तथा प्लस टू तथा एमएड कार्यक्रम निर्देशक रमेश जोशीले दोसल्ला र सम्मापत्रसहित सम्मान गरेका थियो ।
‘कलाकार भनेको राष्ट्रका गहना हुन् । उनीहरुको माध्यमबाट देशको कला संस्कृतिको उत्थान हुनुका साथै आम युवाहरु प्रेरित हुने गर्छन्,’ सम्मान कार्यक्रममा बीबीएस निर्देशक जोशीले भन्ने ‘सुदूरपश्चिममा आएको अवसरमा हामीले राष्ट्रका गहनालाई सम्मान गर्ने संस्कार बसालेका छौं । उनीहरु आगामी दिनमा थप युवा उप्रेरित चलचित्रमार्फत देशविकासमा योगदान पुर्याउँनेछन् ।’
