सशस्त्र प्रहरीसे कालिका मन्दिर सरसफाई
पुनर्वास, ३ कुवाँर । सशस्त्र प्रहरी बल नेपाल पुनर्वासा कञ्चनपुर जिल्लाके पुनर्वास नगरपालिका वार्ड नम्बर ४ स्थित कालिका मन्दिर परिसर सरसफाई करले बा ।
आनन्द बजारमे रहल सशस्त्र प्रहरी बल नेपालके आउट पोष्टके ईन्चार्ज सशस्त्र प्रहरी निरिक्षक जगदिश सिँह बिष्टके नेतृत्वमे सशस्त्र प्रहरीके टोली विफेक रोज उ मन्दिर परिसर सरसफाई करल हो ।
कालिका मन्दिर परिसरमे झारपात जामके मन्दिरके सुन्दरतामे ह्रास आइल ओ स्थानीय तथा मन्दिर समितिसे सरसफाईमे ध्यान नइडेहल कारण सशस्त्र प्रहरी मन्दिर सरसफाई करल हो ।
सशस्त्र प्रहरी बल नेपाल पुनर्वासके प्रमुख विष्ट मन्दिर परिसरमे अनावश्यक जामल झारपात उखारके फेकल ओ फुलके गोडमेल करल बटैलै । उ मन्दिरमे कालरात्रीमे पुजा हुइना ओ शिव मन्दिरफे रहल बा । पुनर्वास क्षेत्रके उ मन्दिर धार्मिक पर्यटकीय स्थलके रुपमे चिन्हल बा ।
