थारु कल्याणकारिणी सभासे ठप पदाधिकारी मनोनित
धनगढी, १८ चैत । थारु कल्याणकारिणी सभाके काठमाडौमे हुइटी रहल बैठकसे ठप पदाधिकारी मनोनित कैगिल बा ।
सभाके बैठकसे केन्द्रीय उपाध्यक्षमे कन्नुलाल चौधरी (मोरङ), विष्णुकुमारी चौधरी (चितवन), देवी प्रसाद चौधरी (रुपेन्डेही), कोषाध्यक्षमे चुर्ण बहादुर चौधरी (दाङ)मे मनोनित करल सभाके महामन्त्री प्रेमीलाल चौधरी बटैलै ।
ओस्टेक केन्द्रीय सदस्यमे प्रभातकुमार चौधरी (कैलाली), दिउलाल चौधरी (कञ्चनपुर), गोविन्द थारु (बर्दिया), रुक्मनी चौधरी (दाङ) ओ मान बहादुर चौधरी (सुर्खेत) मनोनित हुइल महामन्त्री चौधरी बटैलै । सभाके २२ औं महाधिवेशन गैल कुवाँर ७, ८ ओ ९ गते सम्पन्न हुइल रहे ।
