कुपोषण रोकथामके लाग सचेतना कार्यक्रम
धनगढी, १४ चैत । कुपोषण रोकथामके लाग धनगढी उप– महानगरपालिकाके तीन ठाउँमे जनचेतना मुलक सडक नाटक डेखागिल बा ।
सडक नाटक वडा नम्बर १५ उर्मा, वडा नम्बर १२ जुगेडा ओ वडा नम्बर १४ मे करल आयोजक संस्था सुनौलो भविष्य, नेपालके अध्यक्ष तुलसी देबकोटा जानकारी डेली ।
धनगढी उप–महानगरपालिकाके ढेर जैसिन वडा ग्रामीण ईलाकामे पर्ना ओ उ वडामे कुपोषणसे हुइना मृत्यू दर घटाइक लाग सडक नाटक डेखाइल अध्यक्ष देवकोटा जानकारी डेली ।
कार्यक्रममे नगर प्रमुख नृप बहादुर वड, वडा न १२ के अध्यक्ष गणेश प्रशाद जोशी, वडा न १४ के अध्यक्ष रामवजारी थारु, वडा न १५ के अध्यक्ष फुलराम चौधरी लगायतके सहभागिता रहे । सडक नाटकके धनगढी उपमहानगरपालिकाके आर्थिक सहयोगमे हुइल रहे ।
