नाटक ‘करोट’ मोफसलके यात्रा तय
धनगढी,१२ माघ । सर्वनाम थिएटरमे सफल मञ्चनपाछे नाटक ‘करोट’ मोफसलके यात्रा तय करले बा । दाङके घोराही ओ तुलसीपुरमे यिहे माघ १६ गतेसे अपन मोफसल यात्रा सुरु करना जानकारी देले बा । ख्याल बगालके प्रस्तुती ओ आयोजना एवं उदाहरण समूह, नेपाल, हेल्पिङ ह्यान्ड्स दाङके सह–आयोजनामे दाङमे उ नाटक मञ्चन हुई लागल नाटकके लेखक तथा निर्देशक प्रणव आकाश जानकारी डेलै ।
रंगमञ्नसे शैक्षिक गुणस्तरीयता, मनोवैज्ञानिक, सामाजिक, राजनीतिक ओ आर्थिक चेतमे पर्ना प्रभावबारे मोफसमेफे जानकारी डेना उद्देश्यसे अपनेहुक्रे मोफसलके यात्रा तय करल नाटकके लेखक तथा निर्देशक जानकारी डेलै ।
सामाजिक, आर्थिक ओ मनोबैज्ञानिक पाटो केलाइल करोटमे दाङके मुल आदिबासी थारु समुदायके कथा बा । राष्ट्रके हरेक अंगमे हरेक समुदायके प्रतिनिधित्व हुई परल कना बुझके अपनेहुक्रे थारु समुदायके कथानक मार्फत विश्व समुदायके कथा उठान करल लेखक÷निर्देशक प्रणव बटैठै ।
नाटकमे दिपक पछल्डङ्या, शान्ती चौधरी, सुनिता चौधरी, उर्मिला गम्वा थारू, निरज(बाबु) चौधरी, सुनिता चौधरी ओ प्रणव आकाशके अभिनय बा । नाटकके म्याङ्गो गार्डेन एण्ड रिसोर्ट घोराहीमे माघ १६ से १९ गतेसम ओ एकान्त होटेल एण्ड लज तुलसीपुरमे २१ ओ २२ गते मञ्चन हुइटी बा । यी आघे काठमाडौंके सर्वनाम थिएटरमे पुस ६ से २१ गतेसम काठमाडौंके सर्वनाम थिएटरमे नाटकके मञ्चन करल रहे । ओस्टेक नाटक हेरडेना आयोजक सक्कुहुनमे अनुरोध करले बा ।
