कारागारसे फरार कोली सार्वजनिक
धनगढी, ७ पुस । जिल्ला कारागार कैलालीसे दुई बरस आघे फरार रहल एक जनहनहे पक्राउ करके जिल्ला प्रहरी कार्यालय शनिच्चरके रोज सार्वजनिक करले बा ।
मानव बेचबिखन सम्बन्धी मुद्दामे कैद सजाय भुक्तान करटी करटी फरार हुइल धनगढी–६, जालीके ३५ वर्षीय सुरज कोलीहे शुकके रोज महानगरीय अपराध अनुसन्धान महाशाखा, टेकुके टोली पक्राउ करल हो ।
जिल्ला प्रहरी कार्यालयके प्रमुख प्रहरी उपरीक्षक आभुषण तिमल्सीनाके अनुसार अदालतसे १२ वर्ष कैद सजाय तोकल उहाँ ९ वर्ष ३ महिना कैद सजाय भुक्तान करके २० कुवाँर ०७३ मे फरार हुइल रहिट ।
उहाँ काठमाडौंके सीतापाइलामे बैठटी रहल सूचनाके आधारमे खटल महाशाखाके टोली उहाँहे पक्राउ करल तिमल्सीना बटैलै । उहाँक अनुसार पक्राउ परल कोली बाँकी रहल ओ ठप सजाय भोगे पर्ना जिल्ला प्रहरी कार्यालयके प्रमुख एसपी तिमल्सीना जनैलै ।
