हसुलिया आयुर्वेद औषाधालयमे सेवाग्राही बह्रटी
हसुलिया, १० अगहन । कुछ बरस पहिले सुनसान डेखजैना हसुलिया आयुर्वेद औषाधलय एक दुई बरस यहोर सेवाग्राहीनके संख्यामे उलेख्य वृद्धि हुइल बा ।
औषाधालयमे निःशुल्क चेकजाँच तथा सक्कु मेरिक औषधी निःशुल्क पैनाबारे सेवाग्राही जानकार हुइलपाछे संख्यामे वृद्धि हुइल हो । आस्टके औषाधालयमे नियमित कर्मचारी, औषधी उपलब्धताके साथे स्नेहन ओ स्वेदन सेवा सुविधा थपल पाछे झन सेवाग्राहीनके संख्यामे वृद्धि हुुइल जनाइल बा ।
सक्कु रोगके निःशुल्लक चेकजाँच तथा औषधी फेन निःशुल्क पैनाबारे सेवाग्राही जानकार हुइलपाछे औषाधालयसे सेवा लेहुइयनके संख्यामे वृद्धि हुइल औषाधालय प्रमुख शुभाष शाह बटैलै । प्रमुख शाह इमरजेन्सी ओ अपरेशन बाहेक आयुर्वेद औषाधालयसे सक्कु मेरिक चेकजाँच तथा औषधी उपचार निःशुल्क डेटी आइल बटैलै । औषाधालयम स्नेहन (मालिस कैना) ओ स्वेदन ९सेक्ना० सेवा विस्तार करलपाछे थप सेवाग्राहीनके संख्यामे वृद्धि हुइल प्रमुख शाह बटैलै ।
आर्थिक वरस २०७३र०७४ मे तीन हजार सेवाग्राहीनसे सेवा लेहल औषाधालयमे आथिक बरस ०७४र०७५ मे सेवाग्राहीनके संख्यामे वृद्धि होके छ हजार ६२३ पुगल प्रमुख शाह जानकारी डेलै । कलेसे यी आर्थिक आथिक बरसमे दैनिक ४० से ५० सेवाग्राही सेवा लेहे पुग्ना उहाँ बटैलै । यी अनुपातसे यी साल आउर सेवाग्राहीनके संख्यामे वृद्धि हुइना प्रमुख शाहके अनुमान रहल बा ।
कैलारी गाउँपालिका वडा नं। १, हसुलिया बजारमे रहल औषाधालय इमरजेन्सी ओ अपरेशन बाहेक सक्कु मेरके सेवा सुविधा डेटी आइल बा । औषाधालयसे निःशुल्क चेक जाँच तथा पेट सम्वन्धी ग्याष्टिक, पत्थरी, वात९नशा०, दमखोकी, छाला, पाइल्स, पिसाव, यौन दुर्वलता, लगायत रोग सहितके २३ मेरिक औषधी फेन निःशुल्क डेटी आइल बा ।
औषाधलयसे यिहे महिनासे ओपिडी सेवा, जेष्ठ नागरिक सेवा, सुत्केरी लगायतके सेवाहे छुट्टाछुट्टे वार्डसे सेवा सुविधा डेना प्रमख शाह तयारी करटी रहल बटैलै । कलेसे औषाधालयसे थप व्यवस्थित कैनाके साथे यिहे एक दुई महिनाभित्रे गाउँपालिका अन्र्तगतके एकदुई वडामे गाउँघर क्लिनिक सेवा फेन विस्तार कैना जनैलै ।
औषाधालयमे गाउँपालिका बाहेक, फुलवारी, मसुरिया, पहलमानपुर, भजनी तथा छिमेकी देश भारतके चन्दनचौकी, बेलापरसुवा, धुसकिया लगायतके ठाउँसे सेवाग्राही सेवा लेहे आइल प्रमुख शाह बटैलै ।
