निर्मलाके न्यायकेलाग नयाँ शक्तिसे मुख्यमन्त्रीहे ज्ञापनपत्र
धनगढी, २९ कार्तिक । नयाँ शक्ति पार्टी नेपाल सुदूरपश्चिममे जारी विद्यमान समस्याप्रति ध्यानाकर्षण करटी मुख्यमन्त्री त्रिलोचन भट्टहे विफेक् रोज ज्ञापनपत्र बुझैले बा ।
कञ्चनपुरके १३ वर्षिया बालिका निर्मला पन्तके बलात्कारपाछे हत्या हुइल १ सय १२ दिन बिट्लेसे फेन अपराधी पत्ता नैलागलप्रति विरोध जनैटी मुख्यमन्त्रीहे ज्ञापनपत्र बुझाइल नयाँ शक्ति नेपालके प्रदेश संयोजक कृष्णकुमार चौधरी जानकारी डेलै ।
दुई तिहाई बहुमत रहल बलगर सरकार रहलेसे फेन अपराधी पत्ता लगाई नैसेक्ना कलेक् विडम्वना रहल बटैटी उहाँ प्रदेश सरकार ठोस पहल चालेक पर्ना विज्ञप्तीमे उल्लेख बा । ओस्टके कञ्चनपुरमे जारी अनिश्चितकालीन धर्ना कार्यक्रमप्रति नयाँ शक्ति पार्टी नेपाल आपन ऐक्येवद्धता रहल जनैले बा ।
जारी विज्ञप्तीमे हाल किसानहुक्रे भोग्टी रहल मल ओ बियाके अभाव, धानके मोल नैपाइलप्रति फेन मुख्यमन्त्रीके ध्यानाकर्षण करैले बा । साथे पेट्रोलियम पदार्थके अभावहे फेन सहज बनाइक पर्ना माग ज्ञापनपत्र मार्फत करगिल बा ।
यहेबीच नयाँ शक्तिके एक टोली टीकापुर घटनाके राजबन्दीहुकन भेटघाट करके उहाँहुकनके अवस्थावारे जानकारी लेले बा । प्रदेश संयोजक चौधरी, कैलाली जिल्ला अध्यक्ष राजेन्द्र देवकोटासहितके टोली कैलाली कारागार पुगके कैदीबन्दीहुकनके अवस्था बुझल हो ।
