धनगढीमे डशै मेला
धनगढी, ९ कुँवार । विजया दशमी २०७५ के अवसरमे धनगढीमे डश्या मेला लग्ना हुइल बा ।
मेनरोड बजार व्यवस्थापन समिति धनगढीके आयोजनामे प्रदेश सभा भवनसे जिल्ला प्रशासन कार्यालयसम दुसरा डश्या मेला २०७५ लग्ना हुइल मंगरके रोज पत्रकार सम्मेलन मार्फत जानकारी करागिल बा ।
‘औद्योगिक, सांस्कृतिक एवं पर्यटकीय सम्भावना सम्वृद्ध सुन्दर सुदूरपश्चिमके परिकल्पना’ मूल नाराके साथ कुवाँर २४ गतेसे कार्तिक १ गतेसम मेला आयोजना हुइना आयोजक जनैले बा ।
मेनरोड बजार व्यवस्थापन समितिके संयोजक चन्द्रकान्त पनेरु व्यापार व्यवसाय प्रर्वधनसंगे ग्राहकहुक्रनके मनोरञ्जनके लाग मेला आयोजना करे लागल बटैलै । मेला गैल बरस फेन भव्यताके सम्पन्न हुइल रहे । उ मेला साँझ ७ बजेसे रात १० बजेसम सञ्चालन हुइना जनाइल बा । मेलामे फुड स्टल तथा तमान मेरिक सांस्कृतिक कार्यक्रमके प्रस्तुती फेन रहना संयोजक पनेरु जानकारी डेलै ।
