कालिका प्रावि नमुना विद्यालय घोषणा

हसु्लिया, २६ भदौ । निजी विद्यालयसे प्रतिस्प्रर्धा करलेसे किल सामुदायिक विद्यालय नमुना विद्यालय बने सेक्ना कैलारी गाउ“पालिकाके अध्यक्ष लाजुराम चौधरीके कहाई बा ।

मगंरके रोज कैलारी गाउ“पालिकाके वडा नं. ३ के तिसिएनमे आयोेजित श्री कालिका प्राथामिक विद्यालयसे नमुना विद्यालय घोषणा कार्यक्रममे ओइसीन बटाइल हुइट । अध्यक्ष चौधरी निजी विद्यालयके जैसिन समुदायिक विद्यालयमे अनुशासन, मेहनत, नियम अनुसार पढाई हुइना ओ भौतिक पुर्वाधार, भौतिक संरचना हुइलेसे किल नमुना विद्यालय बने सेक्ना बटैलै ।

गापा अन्र्तगत ५२ ठो समुदायिक विद्यालय रहल बा । गापामे रहल सक्कु विद्यालयहे नमुना विद्यालय बनैना लक्ष्या रहल अध्यक्ष चौधरी बटैलै । नमुना विद्यालयसंगे गाउ“पालिकाहे फेन नमुना बनैना सोच रहल अध्यक्ष चौधरी कहलै । कार्यक्रममे प्रदेश सांसद बिरमान चौधरी नमूना स्कुल घोषणामे किल सिमित नाइ राखे पर्ना औल्याइलै । उहाँ नमूना विद्यालय हुइल संगे पह्राइ फेन नमूना बनैना बटैलै । कार्यक्रममे गाउँपालिका उपाध्यक्ष लक्ष्मी सत्गौंवा, वडा नं. ३ के वडा अध्यक्ष कैलाश कुश्मी लगायके मनतब्य राखल रहिट ।

२०६५ सालमे स्थापना हुइल विद्यालयमे तीन जने निजि शिक्षक ओ दुई जने बाल बिकास सहजकार्ता ओ एक जने कार्यलय सहयोगी रहल बाटै । विद्यालयमे एक सय दुई जने विद्यार्थी रहल प्रअ धनिराम चौधरी बटैलै । ओस्टके गाउ“के अभिभावकहुक्रनसे चन्दाके सहयोगसे शिक्षकहे तलब खवइटी आइल बुद्धीजिवी प्रशुराम चौधरी बटैलै ।

विद्यालय व्यवस्थापन समितिके अध्यक्ष आइतवारी चौधरीके घरगोसियइमे हुइल कार्यक्रमके स्वागत मन्तव्य बाल विकास सहजकर्ता गोमति चौधरी करले रही । कलेसे कार्यक्रमके संचालन शिक्षक लक्ष्मण चौधरी करल रही । कार्यक्रममे विद्यार्थी ओ अभिभावक हुकनके सहभागीता
रहल रहे ।