थाकस जानकी गाउँपालिकाके सभापति दहित चयन
टीकापुर, २५ सावन । थारु कल्याणकारिणी सभाके जानकी गाउँपालिकाके कार्यसमितिके सभापतिमे जय प्रकाश दहित चयन हुइल बाटै ।
विफेक रोज हुइल जानकी गाउँपालिका स्तरीय अधिवेशनसे ११ सदस्यीय कार्यसमिति चयन करले बा । जेकर उपाध्यक्ष बालकृष्णी थारु, सचिवमे शर्मिला कुश्मी, सहहसचिवमे सरिता चौधरी, कोषाध्यक्ष कृष्णा चौधरी चयन हुइल बाटै ।
ओस्टेक सदस्यमे आशा चौधरी, राधादेवी चौधरी, भिखराम र्चौधरी ओ गीता चौधरी लगायत रहल बाटै । थारु कल्याणकारिणी सभाके केन्द्रीय सदस्य रामचरण चौधरीके वडका पहुनामे हुइल कार्यक्रममे पहुना सभाके सचिव माधव थारु, पत्रकार गणेश चौधरी, स्थानीय देशराज चौधरी ओ जगत चौधरी लगायतके सहभागिता रहे ।
