कैलारी गापामे गरिब घरधुरी परिचय पत्र वितरण कैना शुरु
धनगढी, १५ सावन । कैलारी गाउँपालिका अन्र्तगतके गरिब घरधुरीहे गरिबघर परिचयपत्र वितरण कैना सुरु हुइल बा ।
गाउँपालिकासे मंगरके रोज वडा नंं १ से परिचय पत्र वितरण शुरु करल हो । मंगरके रोज वडा नं. १ के ७७ जनहनहे गरिबघर परिचयपत्र वितरण करल हो । उ मध्ये ४१ जनहनहे अतिगरिब, २६ जनहनहे मध्यम ओ १० जनहनहे सामन्य गरिबघर परिचयपत्र वितरण करल कैलारी गाउँपालिकाके सामाजिक विकास अधिकृत यगम कलेल जानकारी डेलै ।
गरिब घरपरिवार पहिचान सर्वेक्षण, २०७० मे आधारित पीएमटी विधिसे पहिचान हुइल गाउँपालिकाके वडा नं. १ से ९ वडासम ३२ सय १९ गरिब घरपरिवार रहल बाटै । उ मध्ये अतिगरिब १४ सय ९२, मध्यम एकहजार ९८ ओ सामन्य गरिब ६२९ जने रहल बाटै ।
सामाजिक विकास अधिकृत कलेल्के संयोजकत्वमे गरिबघर परिचय वितरण कार्यक्रममे वडा नं. ३ के वडा सचिव विनय चौधरी, वडा नं. ७ के वडा सविच सन्तोष कुमार चौधरी, वडा नं. ८ के वडा सचिव विजय चौधरी लगायत रहल रहिट ।
