क्रान्तिके छलाङ मूल्यबृद्धि : लेखक

धनगढी, १५ सावन । नेपाली काँग्रेसके केन्द्रीय सदस्य रमेश लेखक वर्तमान सरकार क्रान्ति छलाड्ड मर्न नाउमे सक्कु चिजमे मूल्यबृद्धि बढाई बटैले बाटै ।

नेपाली कांग्रेस सोम्मारके रोज धनगढीमे सरकारविरुद्ध प्रर्दशन करल पाछे ट्राफिक चौराहसे विरोध ¥याली सुरु हुके पार्कमोडमे पुगके कोणसभामे परिणात हुइल रहे ।

कोणसभाहे सम्बोधन करटी नेपाली काँग्रेसके केन्द्रीय सदस्य लेखक वर्तमान सरकार संविधान कार्यान्वयनके सट्टा बाधक बन्टी गैल बटैलै । प्रधानमन्त्री केपी शर्मा ओली प्रतिनिधिसभाके विना सपथ लेहल प्रधानमन्त्री बनल ओरसे नियम मिच्ना काम करल उहाँ कहलै । जौन संविधानके मर्म विपरित हो । प्रदेशसभा, प्रतिनिधिसभाके सभामुख उपसभामुख अलग अलग पार्टीके बनाई पर्नामे अक्के पार्टीसे बनाके सविधानके धारा मिचलफे उहाँ कहलै ।

कम्यूनिष्टहे दुई तिहाई नानके जिटाईबेर जनता आब राहत मिलि, शान्ति सुरक्षा आइ, कना आश रहे मने ओली सरकार राहत नाही आहात देहल, सक्कु चिजमे महगी बह्राके मूल्यबृद्धिके उपहार डेहल केन्द्रीय लेखक कहलै । वर्तमान सरकार समृद्धिके डगरमे लम्कना कहटी नारा लगाइल मने क्रान्तिके छलाङके नाउँमे सबचिजके मूल्यबृद्धि कैके सर्वसाधारणमे ढाड सेक्ना काम करल उहाँ कहलै । कैलाली कञ्चनपुरमे दिदीबाबूहुक्रनके बलात्कारपाछे हत्या हुइटी रहलबेला सरकार दोषीहे खोजके कार्वाही कैनाके सट्टा, दोषीहे कार्वाहीके माग करुइया दिदीबाबूनउप्पर दमन करल उहाँ कहलै । वर्तमान ओली सरकार सर्वसत्ताबाद ओ अधिनायकबादओर उन्मुख हुइल आरोप लगैटी शान्ति सुरक्षा कायम करे नइसेक्लेसे सरकारके आयू नम्मा नइरहना लेखक कहलै ।

पूर्वराज्यमन्त्री तथा नेपाली काँग्रेसके नेता चन्द्रसिंह भट्टराई ओली सरकार दुई तिहाईके डम्बा डेखाके अभिनायकबाद लदना छोरके नेपाली जनताके लाग मजा काम कैके डेखैना आग्रह करलै ।

बर्तमान ओली सरकार नेपालके सडकमे रहल खोल्टीखोल्टी भाँठे नइसेक्ना ओहोर रेल कुदैना बाट विन सुहैटिक रहल उहाँ कहलै । कञ्चनपुरमे हुइल निर्मला पन्तके हत्याराहे खोजके कार्वाही कैनाके सट्टा सामान्य घटना हो कहटी पन्छे खोजल ओरसे नेपालके दिदीबाबुनहे असुरक्षाके चुनौती ठप्टी गैल पूर्वराज्य मन्त्री भट्टराई कहलै ।

ओस्टेक पूर्वराज्य मन्त्री दिर्घराज भाट वर्तमान सरकार एकदलिय शासन लागे खोजल ओरसे संविधान सम्वत अनुसार नइचलतसम आन्दोलन जारी रख्ना बटैलै । नेपाली काँग्रेस कैलालीके पूर्व सभापति गोविन्दराज जोशी पहिलेक सरकारके करल निर्णय दोसर सरकार खारेज करटी गैलेसे सरकारप्रति जनताके विश्वास घटटी जैना बटैलै ।

उहाँ अब्बेक आन्दोलन सांकेतिक केल रहल कहटी ओली सरकार अभिनायकबादओर बह्रटी गैलेसे कडा कदम चल्ना बाध्य हुइना बटैलै । कोणसभामे नेपाली काँग्रेस कैलालीके सभापति नरनारायण शाह ‘मनु’ लगायत मन्तव्य रख्ले रहिट ।