बजेटमे प्रदेश–७ हे उपेक्षा हुइल : नारदमुनि
धनगढी, १ असार । प्रदेश–७ हे केन्द्रीय बजेटमे उपेक्षा करल कहटी सांसद नारदमूनि राना संघीय संसदमे विरोध जनागिल बा ।
और प्रदेशके तुलनामे प्रदेश–७ से नीति तथा कार्यक्रम ओ बजेटमे उपेक्षित करल कहटी यहाँसे निर्वाचित सांसदहुक्रे विरोध जनाइल हुइट । यहाँसम कि सत्तारुढ दलके सांसदहुक्रे विरोध जनैले बाटै ।
विफेक् रोज बैठल संघीय संसदके बैठकमे कैलाली–५ से निर्वाचित सांसद नारदमुनि राना, अछामसे निर्वाचित सांसद प्रेम आलेलगात सांसद कडा विरोध जनाइल रहिट ।
संघीय संसदमे बोल्टी सांसद राना अप्ने नीति तथा कार्यक्रमके समर्थन कर्लेसे फेन आज बजेट आइलपाछे बहुट दुःख लागल बटैलै । प्रदेश ७ हे उपेक्षा करके आइल बजेटसे कौनो फेन हालतमे सरकारके समृद्ध नेपाल ओ सुखी नेपाल कना नारा पुरा नैहुइना ठोकुवा फेन उहाँ कर्लै ।
‘खाउ कलेसे दिनभरके सिकार, नैखाउ कलेसे छोट्का बाबाक् अनुहार’ कहेहस बजेट हुइल हुइल बटैटी उहाँ पर्यटन मन्त्री, खेलकुद मन्त्रीके कडा विरोध जनाइल रहिट ।
‘टुहरिनहे लाज नैलागठ, आपन ठाउँमे दर्जनौं बजेट लैजिठो, प्रदेश ७ के धनगढीके ध फेन लिख्न टुह्रिनहे लाज लागठ’, अक्रोश पोख्टी उहाँ कहलै–‘टुहरे केकर मन्त्री हुइटो रु एक्के ठो जिल्लाक् रु टुहरे बैइमानी कर्ले बाटो । यहाँ दिपहरे रात पार्न काम हुइल बा, हमार भवनामे चोट पुगैना काम हुइल बा, यहिहे सच्याइना चाही ।’
विषयगत मन्त्रालयके छलफलके क्रममे सांसद प्रेम आले फेन खेलकुद मन्त्रीके आलोचना कर्लै । अप्ने डोटीके लाग सुरुमे सात ठो आयोजना डेहल मने मन्त्री अप्नही २ मे झारल बटैलै । खेलकुदमन्त्रीहे प्रश्न करटी कहलै, ‘डोटीमे योजना नैपर्नामे अर्थमन्त्रीहे का दोष डेना । आपन जिल्ला कास्कीमे २४/२४ ठो योजना डर्ना ? अप्नेहे लाज नैलागठ ?’
आपन कपार डेखैटी उहाँ चेतावनीपूर्ण शैलीमे मन्त्रीहे कहलै–‘अस्टे–अस्टे कपार गनके अप्नेहुत्रे पदमे बैठल बाटी, जनताहुक्रे हम्रहिन निर्वाचित करलओरसे अप्नेहुक्रे उ पद पैली बाटी । यी बातहे हेक्का राखी ।’
उहाँ धनगढीहे क्षेत्रीय विमानस्थल बनैना योजना नैआइल कहटी फेन आक्रोस पोख्लै । विमानस्थल स्तरोन्नतीके लाग प्रधानमन्त्री, अर्थमन्त्री, पर्यटन मन्त्रीहे आग्रह करल ओ सक्कु जे होजाइ करल मने एक कानसे उराके डोसर कानसे उरैना काम करल फेन उहाँके आरोप बा । कर्णालीमे पारल ५७ मध्ये ४४ वटा योजना डोल्पामे किल लैगिल कबहटी उहाँ कर्णालीके नाममे जमिनदारी हुइल फेन बटैलै ।
