अशोकके नेतृत्वमे आगलागी परिवारहे सहयोग प्रदान
कैलाली, १९ बैशाख । टिकापुर नगरपालिका ६ प्रसेनिके साबित्रा देवि शाहके परिवारहे युवा संघके नेता अशोक रावलके नेतृत्वमे सहयोग प्रदान कैगिल बा ।
बैशाख १२ गते सबित्राके घरमे आगलागी होके पुर्न रूपमे जनधन नस्ट हुईल रहे । रावल उ परिवारहे ५०००० (पचास हजार) बराबरके निर्माण सामग्री सहयोग करले बाटै ।
ओस्तहक उहाके पहलमे अष्ट्रेलियाके नागरिक क्रिस्टल क्यासलसे ८०००० (असी हजार), जर्मनीके नागरिक धर्मदुसे ७६०० (सात हजार छ सय) ओ कैलाली २ के सांसद झपट रावलसे १०००० (दश हजार) सहयोग हुईल बा ।
युवा नेता रावल थप सहयोग जुताइना बाचा गरले बाटै । रावल नेता किल नै होके युवा ब्यवसायी फेन रहल बटैले बाटै ।
