स्थानीय मिडियाके विकास ओ प्रर्वद्धनके लाग सञ्चार निति बनाइ पर्नामे जोड
धनगढी, २९ चैत्र । धनगढीमे बिफेक रोज संघीय संरचनामे मिडिया, स्थानीय सञ्चार माध्यमके विकास ओ चुनौती विषयक अन्तरक्रिया कार्यक्रम हुइल बा ।
नेपाल सरकार सञ्चार तथा सूचना प्रविधी मन्त्रालय सूचना विभागके आयोजना तथा नेपाल पत्रकार महासंघ कैलाली शाखाके संयोजनमे हुइल कार्यक्रमके सहभागीहुक्रे क्षेत्रीय तथा स्थानीय मिडियाके विकास ओ प्रर्वद्धनके लाग प्रादेशिक तथा स्थानीय सञ्चार निति बनाइ पर्नामे जोड डेहल रहिट । ओस्टके स्थानीय मिडियाके लाग सामानुपातिक नीति बनाके प्रभावकारी रुपमे लागु करे पर्ना जोड डेहल रहिट ।
कार्यक्रममे सूचना विभाके निर्देशक सुमन बज्राचार्य सुचना विभाग बारे जानकारी कराइल रही कलेसे पत्रकार मनमोहन स्वार स्थानीय सञ्चार माध्यमके विकास ओ चुनौती, डा. राजेश अहिराज संघीय संरचनामे मिडिया बारे कार्यपत्र प्रस्तुत करल रहिट ।
कार्यक्रममे यहाँ स्थित छापा माध्यम, एफएम रेडियोके सम्पादक लगायत तमान मिडियामे आवद्ध पत्रकारहुक्रनके सहभागिता रहल रहे । नेपाल पत्रकार महासंघ कैलाली अध्यक्ष जगत साउदके घरगोसियाइमे हुइल कार्यक्रमके सञ्चालन सचिव मीन ठकुरी करले रहिट
