मानव अधिकारके विश्वव्यापी आवधिक समिक्षा धनगढीमे

धनगढी, १५ फागुन । नेपाल सरकारसे अन्तर्र्रािष्ट्रय स्तरमे मानव अधिकारसम्बन्धी महासन्धि तथा सम्झौतामे हस्ताक्षर करलेसे फेन मानव उलंघनके घटना प्रश्रय पैटी रहल ओ मानव अधिकारके महसुसीकरण हुइनाइ सेकल एक कार्यक्रमके सहभागीहुक्रे औल्याइले बाटै ।

सरकारसे उक्त महासन्धी तथा सम्झौतामे हस्ताक्षर कैना मने प्रभावकारी कार्यान्वयन नाइ करलपाछे मानव अधिकार उलंघनके घटना प्रश्रय पैनाके साथे मानव अधिकारके महसुश हुइ नाइसेकल उहाँहुक्रे औल्याइल हुइट । मंगरके रोज धनगढीमे इन्सेक क्षेत्रीय कार्यालय धनगढी ओ ओरेक नेपालके आयोजना तथा प्लान नेपालके सहयोगमे हुइल मानव अधिकारके विश्वव्यापी आवधिक(यूपिआर) समीक्षा सम्बन्धी परामर्श गोष्ठीमे सहभागीहुक्रे सरकारसे उक्त महासन्धी प्रभावकारी कार्यान्वयन करे नाइ सेकल औल्याइटी कार्याव्यनके लाग सुझाइल रहिट ।

सरकारसे नागरिक तथा राजनीतिक अधिकार, आर्थिक, सामाजिक तथा सांस्कृतिक अधिकार, जातीय भेदभाव उन्मुलन कैना महासन्धी, महिला विरुद्ध हुइना भेदभाव, बाल अधिकार सम्बन्धी महासन्धी लगायतमे हस्ताक्षर करले बा मने प्रभावकारी कार्यान्वयन भर हुइ नाइसेकल हो ।

कार्यक्रममे अधिवक्ता डा. जानकी तुलाधर नेपाल सरकारसे अन्तर्र्रािष्ट्रय स्तरमे मानव अधिकारसम्बन्धी महासन्धि तथा सम्झौतामे हस्ताक्षर कैनाके साथे संविधानमे समेत मानव अधिकार तथा मौलिक हकके व्यवस्था तथा आवश्यक संयन्त्र उल्लेख करल बटैली ।
मने सरकारसे आवश्यक तथा प्रभावकारी कार्यान्वयन नाइ करलपाछे तमान ज्यादतीसे पीडितह’क्रे कान’नी उपचार पैनासे वञ्चित ह’इल बटैली । ओकर लाग अधिवक्ता डा. तुलाधर सरकारसे उक्त महासन्धी तगा संविधानमे उल्लेखित मौलिक हकके व्यवस्था तथा आवश्यक संयन्त्रहे प्रभावकारी कार्यान्वयनके लाग सुझाइल रही ।

नेपाल अपांग महासंघके नन्दराज भट्ट राज्यसे सक्कु निकाय तथा क्षेत्रहे अपांगमैत्री वातावरण बनाइ पर्ना स’झाइल रहिट । उहाँ भौतिक संरचनासे लेके, अपांगहुक्रनके लाग शिक्षा, स्वास्थ्य लगायतके क्षेत्रमे निःशुल्क हुई पर्ना औल्याइल रहिट ।

कार्यक्रममे अन्य सहभागीहुक्रे राष्ट्रिय मानव अधिकार आयोगके काम कारवाही प्रभावकारी बनाइ पर्ना स’झाइल रहिट । ओकरलाग उहाँह’क्रे राष्ट्रिय मानव अधिकार आयोगहे कौनो व्यक्ति वा सम“हके मानव अधिकार उल्लंघन ह’इलेसे उज’री लेना, छानविन कैना, अन’सन्धान कैना ओ दोषीउपर आवश्यक कारबाहीके लाग सिफारिस कैना सुझाइल रहिट ।

कार्यक्रममे ओरेक नेपाल केन्द्रिय कार्यालयके संगीता तिमिल्सिना कार्यक्रमके उद्देश्य बारे जानकारी कराइल रही । ओस्टके इन्सेक क्षेत्रीय कार्यालयके कार्यक्रम अधिकृत कृष्ण विक स्वागत करल रहिट । कलेसे कार्यक्रमके सञ्चालन ओरेक नेपालके जिल्ला संयोजक बिन’राना सञ्चालन करल रही । कार्यक्रममे मानवअधिकारकर्मी, सरकारी गैरसरकारी निकायके प्रतिनिधी, सरकारी वकिल तथा पत्रकारहुक्रनके सहभागिता रहल रहे ।