रेडियो स्रोता समुह काजे ?
हमार साझा रेडियो स्रोता छलफल कार्य समुह दाङके घोराही उप– महानगरपालिका–४, लक्ष्मीपुरम रलक उक्त समुहम दलित, जनजाति, ब्राहमण व क्षेत्रि सक्कु कैख १८ जना सदस्या रहल बाट । सरकारी व गैर सरकारी कार्यालय मसे देतीरलक सेवा सुविधा व आम सञ्चार माध्यम व नागरिक समाज सस्था हुकनके जवाफदेहिताम बनलक कार्यक्रम साझाबोली व ‘साथी संग मनका कुरा सुन’ व सुनस्यकल पाछ समुहम बईस्के छलफल करके सल्लाह सुझाव व प्रतिक्रिया डेना उद्धेश्यले हामार साझा रेडियो स्रोता छलफल कार्य समुह दाङम गठन कैगिल बा ।
पारस्परीक जवाफदेहिता परियोजना म रलक युएसएआइडीके आर्थिक सहयोग रलक इक्वेल एक्सेस व स्थानीय साझेदार रेडीयोमसे उत्पादन र्कलक कार्यक्रम साझा बोली व साथी संग मनका कुरा सुन्ना व छलफल कर्ना उद्धेश्यले हमार साझा रेडियो स्रोता छलफल कार्य समुह गठन कैगीलक हो । यीहिम एफ एच आइ.थ्री. सिक्स्टी.के सहकार्य रलक बा कलसे ग्रामिण महिला उत्थान केन्द« दाङके घोराही उप– महानगरपालिकाके वडा १,२,३ व ४ म यी परियोजना चलागैल बा ।
दाङम रेडियो स्रोता समुहके सदस्यहुक्र साझा बोली कार्यक्रम सुनस्यकल पाछ आपन काम कर्तव्य व आपन पाईपर्ना अधिकार का रहल बा कना बातक चेतना हुईलक बा । स्थानीय सरकारी निकायमसे विषयगत सेवा शिक्षा, स्वस्थ्य, कृषि व प्रकृतिक प्रकोप व्याबस्थापन मसे पाईपर्ना सेवा सुविधाके बारेम थाहा हुईल बाटन । साझबोली कार्यक्रम सुन स्यकल पाछ स्रोता समुहके सदस्यहुक्र धेर मेरिक क्रियाकलपफे करभिरल बाट । ओसहक स्रोता समुहके सदस्यहुक्र विषयगत सेवा शिक्षा, स्वाथ्य, कृषि र प्रकृतिक प्रकोप व्याबस्थापन जसीन विषयम सेवा व सुविधाके लाग कुन विषयम का कत्रा बजेट छुट्याईल बा कैख स्थानीय सरकारी कार्यलय व वडा कार्यलयम पुग्के बजेटके अनुगमन कर्ना कैराखल बाट ।
वसहक स्रोता समुहके सदस्यहुक्र सरकारी निकायके बजेट अनुगमन करके आपन गाउँम डगर मर्मट व जोखिमम पर्लक एक्ठो जन्नी उद्धार कैराखल बाट । वडा कार्यलयम पुगके डगर बनाईक लाग बजेट माग कैख रामपुरके भरुेटारी गाउँम डगर बनाराख्ल बाट । स्रोता समुहके संयोजक कौशीला केशी सावन, भादौ महिना सम्म सड्डभर वडा कार्यलयम पुग्के डगर बर्नाकलाग माग कैख यीह पुस महिनाके पहिला हप्तम डगर बनैना काम सक्कु पुरा हुईल बा । वसहक संयोजक केसी साझाबोली कार्यक्रम सुन्के व आपन रेडियो स्रोता समुह हुईलक वरसे आपनह विषयगत सेवाम काम कर्ना सजिल हुईलक व उत्प्रेरित र्कलक बट्वाइल बाटी ।
ओस्टक समुहके सदस्यहुक्र सावन २९ गते बाढीम परलक स्थानीय रामपुर–१, बालापुर के हर्कि सुनार नाउ रलक एक्ठो जन्नीक उद्धार कैराखल बाट । वसहक रेडियो स्रोता समुहम सरकारी निकाय मसे जाइपर्ना विषयगत सेवा सुविधाके बारेम छलफल हुईथा कना बाट थाहापाईल पाछ स्थानीय मनैहुक्र स्रोता समुहके सदस्य हुकनसे सरकारी निकायसे का–का सेवा सुविधा पाजाईत कनाबाट बुझना व सल्ला लेना करल बाट ।
हमार साझबोली रेडियो स्रोता छलफल कार्य समुहके सदस्यहुक्र पुस्तकालय सञ्चालन कर्र्ना, आपन गाउँठाउम रलक व अन्योलम परल मनै कुकन स्थानीय वडा कार्यलय, सरकारी निकायम कउन– कउन क्षेत्रम कत्रा कत्रा बजेट छुट्याईलबा कनाबाट जनैना, गाउँ टोलम पुग्के मनैनह विषयगत सेवा सुविधाके बारेम जानकारी करैना व साप्ताहिक रुपम प्रसारण हुना साझाबोली कार्यक्रम सक्कु स्थानीय मनैह सुन लगैना चेतना अभिबृद्धि कर्ना जसीन काम के अइनाडिन के योजना बनाईल बाट ।
