मुक्त कमैयनहे व्यवसायके लाग सहयोग
हसुलिया, ३० पुस । जिविकोपार्जनमे सहयोग पुगाइक लाग आठ जाने मुक्त कमैयाहुकनहे व्यावसायिक सामान हस्तान्तरण कैगिल बा ।
यूरोपियन यूनियनके आर्थिक सहयोगमे, थारु महिला उत्थान केन्द्र बर्दिया सहकार्य परियोजना धनगढीके आयोजनामे सहयोग समाज नेपाल कैलारी गाउँपालिकाके ५, ६, ७ ओ गौरीगंगा नपा–१० के मुक्तकमैया बस्तीके आठ जनहनहे किराना ओ नास्टा पसलके समान हस्तान्तण कैगिल बा ।
कैलारीगाउँपालिका वडा नम्बर ७ के वडाअध्यक्ष कमलप्रसाद चौधरीके उपस्थितिमे अनिता चौधरी, शारदा सापकोटा, चम्कलिया चौधरी, मनिका चौधरी, मेलिना चौधरी, माया चौधरी, चैतुराम चौधरी ओ सेकल चौधरीहे नाष्टा ओ किराना पसलके दुई लाख बराबरके सामान सहयोग करल केन्द्रके परियोजना संयोजक प्रदीपकुमार चौधरी बटैलै ।
