यूवा अभियान्ता करियाप्रधान सम्मानित
धनगढी, २७ पुस । लम्मा समयसे यूवा सशक्तिकरण क्षेत्रमे क्रियाशिल यूवा अभियान्ता ठाकुरप्रसाद करियाप्रधान सम्मानित हुइल बाटै ।
यूवा सशक्तिकरण समाज नेपाल आपन पहिल साधारण सभा कार्यक्रममे विफेक् रोज कैलालीके जानकी गाउँपालिकामे दोसल्ला ओह्राके सम्मानित करल हो ।
समाजके अध्यक्ष विकास अधिकारीके घरगोसियाईमे हुइल कार्यक्रममके बरका पहुना तथा प्रदेश सांसद कृष्ण चौधरी, खास पहुना गाउँपालिका अध्यक्ष प्रदिप चौधरी, उपाध्यक्ष उमा चौधरी उहाँहे सम्मानित करल रहिट ।
कैलालीके घोडाघोडी नगरपालिका–१० (साविक पहलमानपुर गाविस–१) थेवैके ठाकुरप्रसाद करियाप्रधान यूवाहुकनहे देश ओ जनताप्रति जिम्मेवार नागरिक बनाइक लाग टमान ‘युथ क्याम्पेनिङ’ मार्फत यूवा सशक्तिकरण, क्षमता विकासलगायत अभियानहे जारी राख्ले बाटै ।
