महिलान हे निर्णयक तहमे लैजाइकलाग पितृ सत्तात्मक सोचके अन्त्य कैना जरुरी

धनगढी, ४ पुस । राज्यके हरेक निर्णायक तहमे महिलाहुकनहे अर्थपूर्ण सहभागिता कराइक समाजमे रहल विद्यामन पितृ सत्तात्मक सोचके अन्त्य कैना जरुरी रहल एक कार्यक्रमके जोड डेगिल बा ।

दलित महिला अधिकार मञ्चके कैलालीसे सोम्मारके रोज धनगढीमे आयोजित ‘राजनितिमे महिलाके सहभागिता विषयक अन्तरक्रिया कार्यक्रममे धनगढी उपमहानगरपालिकाके उपप्रमुख शुसिला मिश्रभट्ट महिलनके राजनितिके निर्णायक तहमे नानेक लाग पितृ सत्तात्मक सोच रहल मानसिकता परिवर्तन कैना जरुरी रहल बटैली । नेपालके राणा शासनके अन्त्य, भारतमे व्रिटिस समराज्य अन्त्य कैना महिलाके भारी हात रहल कहटी आब महिलाके उत्थानके लाग पितृ सत्तात्मक सत्ताके अन्त्य कैना महिला जुरमुराई पर्ना जरुरी रहल बटैली ।

मुलुकमे महिला पुरुषके जनसंख्या हेरेबेर आधाआधी रहलेसेफे निर्णायक तहमे महिलाके अर्थपूर्ण सहभागिता न्यून रहल बटैली । स्थाननीय तहके चुनावकमे कम मात्रमे प्रमुख रहल बाँकीहे उप्रमुखके जिम्मा डेहल उहाँ बटैली ।

संविधानमे तोकल बाध्यकारी कानून अनुसार महिलाके ३३ प्रतिशत पुगैना कहलेसेफे भर्खर हुइल प्रतिनिधिसभा ओ प्रदेश सभाके चुनावमे देशभरमे प्रतिनिधि सभामे ६ जाने महिला उम्मेदवार केल विजय हुइल उहाँ कहली । ओस्टेक प्रदेश सभाहे हेरेबेर फे प्रत्यक्ष ओर महिलाके सहभागिता कम रहल उपप्रमुख भट्ट बटैली ।

अखिल नेपाल महिला संघके जिल्ला अध्यक्ष गीता सोडारी महिलाहुक्रे उप्पर जाइ लग्टीकी टरेसे गोड टन्ना प्रबृतिके विकास हुइल बटैलै । महिला हुइलक कारण का करे सेकी कना पाटी वा समाजमे हेर्ना दृष्टिकारण फरक रहल उहाँ कहली । कैलाली जिल्लामे प्रतिनिधिसभा सदस्यके लाग उम्मेदवारी देहल डा. आरजु राणा देउवा, गरिमा शाह, ईश्वरी न्यौपाने महिला हुइलक कारण हार व्यहोरल उहाँ कहली ।

कार्यक्रममे जागरण नेपालके व्यवस्थापक मिना विष्ट राजनितिमे महिलाके सहभागिता काहे कना कार्यपत्र प्रस्तुत करटी निरांकुश राणा शासनके अन्त्य हुके प्रजातन्त्रके स्थापना हुइलेसेफे राज्यके हरेक निर्णायक तहमे महिलाहुकनहे अर्थपूर्ण सहभागिता न्यून रहल बटैली ।
स्थानीय तहके निर्वाचनमे देशभरके महिला तथ्यांङक हरेबेर मेयर ७ जाने, उपमेयर २७६, अध्यक्ष ११, उपाध्यक्ष ४२४, वडा अध्यक्ष ६२ जाने दलित महिला सदस्य ६५ सय ६७, महिला सदस्य ६७ सय ४२, सदस्य २६४ करके १४ हजार ३ सय ५२ जाने महिला रहल बाटै । कलेसे ७ सय ४४ स्थानीय तह निर्वाचित हुइल जनप्रतिनिधिहुकनके जनसंख्या ३६ हजार ६ सय ३९ रहल बा ।

नेपालके संविधानमे महिलाके जनसंख्या हरेक तहमे ३३ प्रतिशत कहलेसेफे व्यवस्थापिका संसदमे महिलाके प्रतिनिधित्व २९. ५ प्रतिशत केल रहल देखल बा । सवैधानिक नियोग तथा निकाय एवं राज्यके राजनितिक नियूक्ती हुई सेक्ना निकायमे महिलाके प्रतिनिधित्व २० प्रतिशतसे कम, राजनितिक दलके नेतृत्व तहमे महिलाके प्रतिनिधित्व २० प्रतिशत, दलहुकनके भातृसंगठनके नेतृत्वमे १० से १५ प्रतिशत, निजामति कितावखाना २०७३ अनुसार कुल निजामति कर्मचारी मध्ये महिलाके सहभागिता ११ प्रतिशत ओ नेपाल प्रहरीके संगठनमे महिलाके संख्या ६ प्रतिशत केल जनागिल बा ।

कार्यक्रममे एडजस नेपालके अध्यक्ष चित्रा पनेरु, आरडीएनके टेक विक लगायत महिलाहुकन राजनितिके निर्णायक तहमे पुगाइकल लाग लैगिंक समानता आवश्यक रहल बटैले रहिट । दलित महिला अधिकार मञ्चके कैलालीसे कार्यकारी निर्देशक सावित्रा घिमिरेके अध्यक्षतामे हुइल कार्यक्रममे स्वागत मन्तव्य मञ्चके कार्यक्रम संयोजक रोशा थापा ओ संचालन निर्मला विसि करले रहिट ।