विद्यालय सुरक्षाके लाग नक्सांकन बैठक
धनगढी, पुस । ‘विपद् जोखिम न्युनिकरण तथा विद्यालय सुरक्षा परियोजना’ के परिचयात्मक तथा सरोकारवाला नक्सांकन बैठक धनगढीमे हुइल बा ।
युरोपीयन युनियन मानवीय सहायता तथा नागरीक संरक्षण विभागके आर्थिक सहयोगमे वल्र्ड भिजन ईन्टरनेश्नल नेपालसे साझेदारीमे सामाजिक विकासका लागि सचेत समाज धनगढीसे सञ्चालित ‘विपद् जोखिम न्युनिकरण तथा विद्यालय सुरक्षा परियोजना’ के परिचयात्मक तथा सरोकारवाला नक्सांकन बैठक हुइल हो । कार्यक्रम जिल्ला शिक्षा कार्यालय कैलालीके सहकार्यमे सम्पन्न हुइल रहे ।
जिल्ला शिक्षा अधिकारी गणेश बहादुर सिंहके घरगोसियाइमे हुइल कार्यक्रममे उहाँ सक्कु सरोकारवाला हुक्रनहे विद्यालय सुरक्षा परियोजनाके लाग अइना दिनमे आ–आपन तहसे सहयोग ओ समन्वय कैना आग्रह करल रहिट । सीएसएसडीके अध्यक्ष बल बहादुर शिलाधरसे स्वागत तथा कार्यक्रमके उद्देश्यबारे ओ वल्र्ड भिजनके नित्यानन्द पाण्डे परियोजना बारे जानकारी कराइल रहिट । ओस्टके सीसीएसडीके कार्यक्रम संयोजक पे्रम कुश्मी जिल्ला, गाउँपालिका ओ विद्यालय स्तरमे करजैना गतिविधिबारे विस्तृत रुपमे जानकारी कराइल रहिट ।
कार्यक्रमके सहजीकरण जिल्ला शिक्षा कार्यालयके विद्यालय निरीक्षक लोकेन्द्र बहादुर भट्ट करले रहिट । उ परियोजना अन्र्तगत लुथ्ररन विश्व फेडरेशन नेपाल, असल छिमेकी नेपाल, फाया नेपाल, मर्सिकोर नेपाल, सि.सि.एस., सीएसएसडी, वल्र्ड भिजन नेपाल लगायत संस्था विपद जोखिम न्युनिकरण क्षेत्रमे कार्य करटी आइल जनागिल बा ।
उ परियोजना अन्र्तगत शिक्षा क्षेत्रमे लुथ्ररन विश्व फेडरेशन नेपाल, असल छिमेकी नेपाल, विल्ड अन नेपाल, फाया नेपाल, बेस कैलाली, मर्सिकोर नेपाल, रुम टु रिड, सीएसएसडी, वल्र्ड भिजन नेपाल कार्य करटी बतागिल रहे ।
ओस्टेक विद्यालय सुरक्षा क्षेत्रमे असल छिमेकी नेपाल, सीएसएसडी, वल्र्ड भिजन नेपाल कार्य सञ्चालन करटी आइल बाटै । शिक्षा, संरक्षण, विपद जोखिम न्युनिकरण ओ खानेपानी तथा सरसफाई क्षेत्रमे कार्यरत सरकारी तथा गैर सरकारी संघ संस्थाके ३९ जनहनके सहभागीता रहल कार्यक्रमके सञ्चालन संस्थाके राममणि चौधरी करले रहिट ।
