फूलवारीमे फूलवारी महोत्सव हुइना

धनगढी, १ पुस । धनगढी उपमहानगरपालिका–१४ स्थित फूलवारी एच गाउँके गुम्बा प्राङगणमे फूलवारी महोत्सव हुइना हुइल बा ।
स्थानीय कला, संस्कृति, पर्यटन, व्यापार, कृषि, प्रवद्र्धनके निम्ति कना मुल नाराके साथ पुस २९ गतेसे माघ ८ गतेसम फूलवारी महोत्सव हुइना हुइल हो ।

न्यू बुद्ध स्पोर्टस युवा क्लबके आयोजनामे गैल बरस जस्टे यी बरस फेन फूलवारी महोत्सव हुइना हुइल बा । क्लबके अध्यक्ष महेश गोले तामाङ ग्रामीण भेगमे नुकल कलाकारहुकनके साथ साथे संस्कृतिके जगेर्ना करना उद्धेश्य लेके फूलवारी महोत्सवके आयोजना करल पत्रकार सम्मेलनमे जानकारी देलै । साथे उहाँ गैल बरस महोत्सवसे एक करोडके कारोबार हुइल रहे कलेसे यी बरस गैल बरसके तुलनामे उहिसे ढेउर कारोबार हुइना बटैलै ।

उहाँ पत्रकार सम्मेलनमे महोत्सवसे आइल दश प्रतिशत रकम अनाथ बालबालिका ओ दश प्रतिशत रकम वृद्धहुकनउप्पर सहयोग करल जानकारी देलै । साथे महोत्सवके मुख्य आकर्षण रमाइलो मेला, राष्ट्रिय कलाकारहुकनके बेजोड प्रस्तुती रहल बटैलै ।