भारतीय सीमा नाका ७२ घण्टाके लाग बन्द
धनगढी, १८ अगहन । कैलाली जिल्लासे जोडल भारतीय सीमा नाका ७२ घण्टाके लाग बन्द हुइना हुइल बा ।
दुसराचरण अन्तर्गत अगहन २१ गते हुइ लागल प्रदेश ओ प्रतिनिधि सभा निर्वाचनहे मध्यनजर करटी कैलाली जिल्लासे सीमा जोडल भारतके सक्कु सीमा नाका ७२ घण्टा बन्द हुइना हुइल हो । जिल्ला प्रसासन कार्यालय कैलालीसे सोम्मारके सार्वजनिक सुचना जारी करटी अगहन १८ गते साँझ ५ बजेसे २१ गते साँझ ५ बजे सम सिमा बन्द कैना जनैले बा ।
निर्वाचनके समयमे सीमा क्षेत्रसे कौनो फेन अप्रिय घटना नहोए कहिके निर्वाचन अवधिभरके लाग सीमा नाका बन्द करे लागल जिल्ला प्रसासन कार्यालय कैलालीके प्रसासकीय अधिकृत यादव बहादुर भण्डारी जानकारी डेलै ।
